Əsas Səhifə > Hadisə > ABŞ-dan Rusiyaya 40 illik zərbə

ABŞ-dan Rusiyaya 40 illik zərbə


24-05-2016, 15:25
ABŞ-dan Rusiyaya 40 illik zərbə

Rusiya uzun illər ABŞ-ın Vyentama silah satmaq qadağasından öz məqsədləri üçün istifadə edib.

Bu haqda politoloq Elxan Şahinoğlu yazıb. Siyasi şərhçi bildirib ki, Vaşinqton Rusiyanı bütün perimetr boyunca sıxışdırmağa başlayıb:

“Vaşinqton əvvəlcə Rumıniya, Polşa və Çexiyada raketlərdən müdafiə sistemləri yerləşdirməyə qərar verdi, ardından isə Baltikyanı ölkələrdə və Gürcüstanda hərbi təlimlər keçirdi. ABŞ Vyetnamla diplomatik münasibətləri 1995-ci ildə bərpa edib. İndi isə Vyetnam müharibəsindən 40 il sonra Vaşinqton müharibə etdiyi kommunist rejimə silah satmağa qərar verib”.(axar.az)
Politoloq Vaşinqtonun Vyetnamla əlaqələrini intensivləşdirməsində iki praktik marağının olduğunu qeyd edib:

“Birincisi, Vaşinqton Çinlə Vyentam arasında bəzi ərazilərlə bağlı mübahisədə ikincinin tərəfini tutur. Təsadüfi deyil ki, aparılan sorğuların nəticəsinə görə, vyetnamlıların indiki nəslinin təxminən 70 faizi Amerikaya simpatiya ilə yanaşır. İkinci maraq isə Rusiya-Vyetnam hərbi əməkdaşlığını zəiflətməkdir. Məsələ burasındadır ki, Rusiya Vyetnama milyardlarla dollar silah satır və uzun illər ABŞ-ın Vyentama silah satmaq qadağasından öz məqsədləri üçün istifadə edib. İndi isə ABŞ bu bazarda da Rusiyanı sıxışdıracaq”.

Qeyd edək ki, ABŞ Prezidenti Barak Obama dünən Vyetnama 3 günlük səfərə gedib.

rublika.az
Geri qayıt