Əsas Səhifə > Səhiyyə > TƏBİB rəsmisindən karantinin sərtləşəcəyi xəbərlərinə AÇIQLAMA

TƏBİB rəsmisindən karantinin sərtləşəcəyi xəbərlərinə AÇIQLAMA


25-09-2020, 09:37
TƏBİB rəsmisindən karantinin sərtləşəcəyi xəbərlərinə AÇIQLAMA

Tibbi Ərazi Bölmələrinin İdarəetmə Birliyinin (TƏBİB) Elmi Komitəsinin sədri, professor Akif Qurbanov İctimai Televiziyada yayımlanan “Diqqət mərkəzi” verilişində ölkədəki epidemioloji vəziyyət haqqında danışıb.

Rubrika.Az yenisabah.az-a istinadla xəbər verir ki, o qeyd edib ki, tez-tez səslənən karantin şərtlərinin sərtləşəcəyi fikrinə inanmır:

“Birincisi, epidemioloji vəziyyət tam nəzarət altındadır. İkincisi, daimi olaraq dövlət qurumları, səhiyyə qurumları bu barədə qabaqlayıcı tədbirlər görür. Belə davam etsə, insanlarımız qorunma tədbirlərinə əməl etsə, inanmıram ki, gələcəkdə hər hansı sərtləşdirici karantin tədbirləri olsun.

Ola bilər ki, yoluxmaların sayında artım görülsün. Bu da bizim özümüzdən asılıdır. Yoluxmanın artması o deməkdir ki, hansısa şərtləri gözləmirik”.

Rubrika.Az
Geri qayıt