Azərbaycan Mərkəzi Bankı (AMB) fevralın 17-nə olan USD/AZN rəsmi məzənnəsini açıqlayıb. Dolların qiyməti yenidən ucuzlaşıb.

AMB-dən verilən məlumata görə, USD/AZN rəsmi məzənnəsi fevralın 17-da 1.5675 manat səviyyəsində müəyyən edilib.
ABŞ valyutası ötən həftəni 1,5745 manata başa vurmuşdu.

Avrozonanın vahid valyutası olan avro cüzi bahalaşıb. Belə ki, 17 fevral məzənnəsinə görə, 1 avro 1.7506 manat olub. Rublda isə cüzi ucuzlaşma olub - 0.0201 manat.

Azərbaycan Mərkəzi Bankın (AMB) İdarə Heyətinin dekabrın 21-dəki qərarı ilə üzən məzənnə rejiminə keçid edib. Bu qərar nəticəsində manatın məzənnəsi sürətlə ucuzlaşıb.
Uzunmüddətli xarakter daşıyan xarici iqtisadi şokların güclənməsini nəzərə alaraq tədiyə balansının tarazlaşdırılması, ölkənin valyuta ehtiyatlarının kritik səviyyədə qorunması, milli iqtisadiyyatın beynəlxalq rəqabət qabiliyyətinin təmin olunması məqsədilə Mərkəzi Bankın İdarə Heyəti 21 dekabr 2015-ci il tarixində üzən məzənnə rejiminə keçilməsi barədə qərar qəbul edib.(ANS)

Bu qərara əsasən, manatın məzənnəsi başlıca olaraq valyuta bazarında tələb və təklifin nisbətini müəyyən edən fundamental amillərin təsirinə uyğun olaraq formalaşacaq. Mərkəzi Bankın valyuta bazarında iştirakı isə bu rejimə uyğun həyata keçiriləcək.
Üzən məzənnəyə keçid haqda qərar fevraldan sonra ikinci dəfə manatın ABŞ dollarına qarşı kəskin ucuzlaşmasına səbəb olub.

RUBLİKA.AZ

Facebook-da paylaş