Türkiyənin Van şəhərində polislərə qarşı terror aktı törədilib.

PKK terror qruplaşmasının həyata keçirdiyi qanlı hadisə zamanı 2 polis şəhid olub, 1-i isə yaralanıb.

Terror hadisəsi Van şəhər İpəkyolu rayonu Hacıbəkir məhəlləsində baş verib. Terrorçuların yola yerləşdirdikləri kustar üsulla hazırlanmış bomba polis maşını həmin ərazidən keçərkən partladılıb.

Hazırda bölgədə havadan və qurudan axtarış əməliyyatları davam edir.

Bu gün gecə saatlarında Türkiyənin Diyarbəkir vilayətində partlayış baş verib. Polis idarəsi yaxınlığında meydana gəlmiş insidentdə 6 nəfər ağır yaralanıb.

Diyarbəkirin Kulp ilçəsində partlayış baş verib. PKK-çıların bomba qoşulan yük maşınını partlatdığı bildirilib. Müvəqqəti kənd mühafizəkarları Zeyrek polis idarəsi yaxınlığında şübhəli görünən maşını yoxlamaq istəyib. Bu zaman uzaqdan idarə edilən partlayıcı işə düşüb. Partlayış sonrası atışma qeydə alınıb. 1 terrorçu ələ keçirilib.

rublika.az

Facebook-da paylaş