• Keçmiş nazirlər haqda ŞOK FAKTLAR - Millətə qənim kəsilibmişlər...

    Keçmiş nazirlər haqda ŞOK FAKTLAR - Millətə qənim kəsilibmişlər...

    Xəbər verildiyi kimi, Naxçıvan Muxtar Respublikasının (MR) həbsdə olan sabiq milli təhlükəsizlik naziri Vəli Ələsgərov məhkəmənin hökmü ilə 14 il müddətinə azadlıqdan məhrum edilib. Məhkəmə prosesi zamanı onun bır sıra cinayətlərə yol verdiyi, günahsız insanlara zülm etdiyi faktlarla təsdiq olunub.

    Nazir olduğu dönəmdə Vəli Ələsgərovun qanunsuz əməlləri ilə üzləşən vətəndaşlardan biri də Babək rayonunun Qahab kəndi sakini II qrup əlil, müharibə veteranı, təqaüddə olan müəllim Əliyev Novruz Səfər oğludur. Onun redaksiyamıza müraciətini olduğu kimi təqdim edirik:
    "Axır ki, həqiqət üzə çıxdı. Vəzifə səlahiyyətlərindən sui-istifadə edən və səlahiyyət həddini aşan, vəzifə saxtakarlığı edən, qanunlarımızın aliliyinə hörmətsizlik edən, dövlətçiliyimizin və dövlətimizin imicinə zərbə vuran, vətəndaşların hüquq və azadlıqlarını kobud surətdə pozan, dövlətimizi, ölkə prezidentini, hüquq mühafizə orqanlarımızı xalqın gözündə hörmətdən salmağa çalışan, Naxçıvanda dövləti cinayətlər edən Naxçıvan MR Təhlükəsizlik Nazirliyinin sabiq naziri V. Ələsgərov axir ki, ifşa olundu.
    2000-2001-ci illərdə V. Ələsgərovun cinayətləri ilə bağlı 38 məqaləm çap olunub. V.Ələsgərovun təqiblərinə məruz qalmışam. Məcbur qalıb doğma ev-eşiyimi atıb Bakıda və Azərbaycanın digər regionlarında yaşamışam.
    V. Ələsgərov prokurorun sanksiya və hakimin hökmü olmadan yeddi sutka məni həbs edərək azadlıqdan məhrum etmiş, azadlığımı məhdudlaşdırmış, evimdə evdəkilərin iradəsinə zidd olaraq prokurorun sanksiyası olmadan evimdə axtarış apararaq ailə-uşağımı narahat etmiş, şərəf və ləyaqətimizi alçaldan təhqiredici hərəkətlərə yol verərək, məni Naxçıvan Sərhəd Qoşunlarında izolyatorda saxlamış və işgəncə vermişdir. V. Ələsgərovun vəzifə səlahiyyətlərindən sui-istifadə etməsi səlahiyyət həddini aşmış, qeyri-insani rəftarı ağır nəticələr vermişdir. Belə ki, ağır vəziyyətdə şəkər xəstəsi olmuşam, şəkərin təsirindən sağ gözüm tamamilə tutulmuş, sol gözüm funksiyasını itirmiş, sol ayaq barmağım kəsilmiş, sol böyrəyim atkaz etmiş və funksiyasını itirmiş, ayaqlarım deformasiyaya uğramış, şəkərin təsirindən infarkt keçirərək sağlamlığımı tamamilə itirmişəm.
    Evimdə axtarış aparan zaman V. Ələsgərov "Şorbayeməz” fermer təsərrüfatına məxsus olan möhür, stampımı götürmüş, qaytarmamış, "bankda” hesabımı dondurmuş, fəaliyyətim dayanmış və müəssisəm iflasa uğramışdır. Sonrakı illərdə V.Ələsgərov məni yenə saxta yollarla həbs etdirmiş, 9 il iş verdirmiş, lakin ağır cinayətlər üzrə Bakı şəhər Apelyasiya məhkəməsi əməlimlə cinayət tərkibi olmadığını görüb 2 ay 26 gündən sonra məni azadlığa buraxmışdır. V. Ələsgərov bu işləri ilə kifayətlənməmiş, 2007-ci ildə bu qədər xəstəliyim ola-ola mənim əlilliyimi, oğlum Əliyev Zaurun hərbi əlilliyini, iki uşağımın ünvanlı yardımını ləğv etdirmiş, ailənin yeganə qazanc gətirən oğlum Əliyev Təbrizi işdən götürtdürmüş və mənim müharibə veteranı vəsiqəmi əlimdən almışdır. Hansı ki, çox çətinliklə Azərbaycan Respublikası Komissarlığının əli ilə müharibə veteranı vəsiqəsini bərpa etdirmişəm. Oğlumun hərbi travma alması Azərbaycan Müdafiə Nazirliyinin Mərkəzi Hərbi həkim komissiyası tərəfindən araşdırılmış və müəyyən edilmişdir ki, oğlum xidməti vəzifəsini yerinə yetirən zaman hərbi travma almış və buna görə ordudan yarımçıq təxris olunmuşdur. Sol bazu oynağının hemortrozu, artirozu və sidik daşı xəstəliyi ilə Müdafiə Nazirliyinin MHHR tərəfindən səbəb-əlaqəsi göstərilən və şəhadətləndirilən oğlum 10 il hərbi əlil kimi pensiya almış və ömürlük əlil olmuşdur. Lakin sabiq nazir Azər Ələkbərov V.Ələsgərovun tapşırığı ilə oğlumun ömürlük əlilliyini ləvğ etdirmişdir. Oğlumun əlilliyi ləvğ edilən zaman V.Ələsgərovla sabiq nazir daha böyük cinayətə yol vermişlər.
    Belə ki, sabiq nazirin qərarı ilə Tibbi Sosial Ekspert Komissiyasının qərarı uyğun gəlmir, ziddiyyətlidir. Ona görə də hər iki qərar etibarsız hesab edilib, ləvğ edilməlidir. Səbəbi odur ki, sabiq nazir V.Ələsgərovun tapşırığı ilə Əmək və Əhalinin Sosial Müdafiə Nazirliyinin sabiq naziri A.Ələkbərov 10 iyun 2007-ci il tarixində Naxçıvan MR DSMN-nin Babək rayon şöbəsinə göstəriş məktubu göndərmişdir ki, Babək rayonunun Qahab kəndi sakini II qrup hərbi əlil Əliyev Zaur Novruz oğlu əmək qabiliyyətli olduğundan əlilliyi ləvğ edilsin. Eyni nazirliyin TSEK-sı isə oğlumu bir gün sonra, yəni 11 iyun 2007-ci il tarixdə formal olaraq komissiyadan keçirib əlilliyini ləvğ etmişdir. Hansi ki, nazirliyin TSEK-nın heç bir həkimi görməyib ve müayinədən keçirməyib. Bəs sabiq nazir A.Ələkbərov nə bilirdi ki, bir gün sonra oğlumun əlilliyi ləvğ ediləcək ki, bir gün əvvəl oğlumun əlilliyinin ləvğ edilməsi haqda DMSF-ə məktub göndərirdi.
    Yəni sabiq nazirin göstəriş məktubu ilə TSEK-nın qərarı uyğun gəlmir, ziddiyyətlidir və bu səbəbdən də etibarsız hesab edilib ləvğ edilməli və oğlumun əlilliyi dayandırıldığı tarixdən bərpa edilib buraxılmış müddətin pensiyası verilməlidir. Hərbi travma aldığına görə ordudan yarımçıq təxris olunan, 10 il hərbi əlil kimi pensiya alan və ömürlük şikəst olan oğlumun başına bu oyunu açan V.Ələsgərov və V.Ələkbərov cəzasızmı qalmalıdır? A.Ələkbərov ailə-uşağıma qarşı etdiyi cinayətə görə V.Ələsgərovun yanına qatılmalıdır ki, ürəyində vətən sevgisi olmayan, hərbi xidmətdən yayınan sabiq nazir A.Ələkbərovla, V.Ələsgərov vəzifə səlahiyyətlərindən sui-istifadə edib cinayət əlaqəsinə girmişlər və cinayətkar birlik yaradıb başımıza bu müsibətləri gətirmişlər.
    V.Ələsgərov məni özünün təşkil etdiyi saxta şahidlərin əli ilə 7 il 5 ay 28 gün (kalentarnı, yəni amnistiya, üçdə birə, üçdə ikiyə, əfvə düşməyin deyə) azadlıdan məhrum etdirdi, lakin 2 ay 26 gündən sonra Bakı şəhər Apelyasiya məhkəməsi məni azad etmişdir. V.Ələsgərov məni ona görə həbs etdirmişdir ki, Strasburqda yerləşən Avropa İnsan Haqları məhkəməsi məni və V.Ələsgərovu eyni zamanda Strasburqda məhkəməyə dəvət etmiş və V.Ələsgərovdan etdiyim şikayət ərizəmi qeydə almışdır. Mən məhkəməyə getməyim deyə V.Ələsgərov məni həbs etdirmişdir.
    Məhkəmə qərarı olmadan müəllimlər sırasında azad edilmişəm. 20 ilə yaxındır ki, çalışmağıma baxmayaraq V.Ələsgərov məni müəllimlər sırasında bərpa olunmağa imkan verməyib. Bu günə qədər V.Ələsgərovun tapşırığı ilə nə işdən çıxma əmrini, nə əmək kitabçamı verməyiblər, nə də son hesabı kəsməyiblər. İşdən çıxma əmrimi ala bilmədiyimdən heç bir yerə işə girə bilməmişəm. Çox təəssüf hissi ilə qeyd edirəm ki, bu gün belə V.Ələsgərovun tərərfdarları var.
    Çox istərdim ki, V.Ələsgərovun məhkəməsində zərərçəkmiş qismində çıxış edəm, onun cinayət əməllərini açam və cinayətkarı ifşa edəm. Mənə külli miqdarda maddi və mənəvi zərər vuran, mənim və övladlarımın bütün həyatını məhv edən V.Ələsgərovun əməlində cinayət tərkibi var. O, ağır cinayət edib və etdiyi cinayətin cəzasını almalıdır.
    Hörmətli sədrimizin Muxtar Respublikamızda gördüyü quruculuq işləri ilə bağlı "Çiçəklənən Naxçıvanım”, "Regionlarda iqtisadiyyatın inkişafına dair Dövlət Proqramına real töhfə” və s. başlığı altında "Parıtet”, "Azərbaycan”, "Şərq qapısı” qəzetlərində məqalələrim dərc olunduqdan sonra V.Ələsgərov qorxuya düşmüş və məni yanına çağırıb demişdir ki, "daha mənim səninlə işim yoxdur, sənin də bizimlə işin olmasın, əgər bizdən yazsan, səni başqa adla həbs etdirəcəyəm”.
    V.Ələsgərovun mənə vurduğu zərərin sayı-hesabı yoxdur. V. Ələsgərov vəzifə səlahiyyətlərindən sui-istifadə edərək və səlahiyyət həddini aşaraq mənə və ailə üzvlərimə külli miqdarda zərər vurduğundan
    Xahiş edirəm:
    1. Mənim zərərçəkmiş qismində tanınmağıma kömək edəsiniz.
    2. V. Ələsgərovun tapşırığı ilə oğlum Z. Əliyevin 10 illik hərbi əlilliyi ləğv edildiyindən oğlumun hərbi əlilliyi dayandırıldığı tarixdən bərpa edilsin.
    3. Oğlumun əlilliyi ləğv edilərkən sabiq nazir verdiyi əmrlə A. Ələkbərovun Tibbi Sosial Ekspert Komissiyasının qərarı ziddiyyətli olduğundan, qərəzli olduğundan, hüquqi əsası olmadığından, hüquq dayağa söykənmədiyindən etibarsız hesab edilib, hər iki qərar ləğv edilsin və oğlumun əlilliyi dayandırıldığı tarixdən bərpa edilsin. Sabiq nazir V. Ələsgərovun tapşırığı ilə sabiq nazir A.Ələkbərov çaşıb qabağa düşüb, yəni komissiya olmamış oğlumun əlilliyini ləğv edərək özünü tələyə salıb, yəni komissiyadan bir gün öncə Naxçıvan MR DSMF-nin Babək rayon şöbəsinə oğlumun əlilliyinin ləğvi haqda göstəriş məktubu göndərib. Bir gün sonra kağız üzərində baş tutan komissiya isə oğlumu görmədiyi və müayinədən keçirmədiyi halda əlilliyini ləğv etmişdir. Sabiq nazirin və TSEK-in qərarları əlimdədir. Bu məsələ araşdırılsa, kimin V.Ələsgərovun dostu, kimin dövlətimizin düşməni və ya bu gün kimi V.Ələsgərovun yanında, dövlətimizin qarşısında durduğu və ya kimin V.Ələsgərovun qarşısında və dövlətimizin yanında olduğu məlum olar.
    Hər halda torpaqlarımızın 20 faizdən çoxu işğal altında olduğu halda 10 ildən artıq hərbi travma almış oğlumun başına açılan bu oyun Azərbaycan əsgərinə mənəvi zərbə vurmuşdur. Sabiq nazir A.Ələkbərov V.Ələsgərovun yanına qatılmalı deyilmi? Bu iki sabiq nazir eyni cinayətin məsuliyyətini daşımırlarmı? Hələ Azərbaycan Respublikası Hərbi Müdafiə Naziri Zakir Həsənov bilmir ki, hərbi xidmətdən yayınan, əsgərliyə getməyən, ürəyində Vətən sevgisi olmayan sabiq nazir A.Ələkbərovla sabiq nazir V.Ələsgərov müharibə şəraitində yaşayan, torpaqlarının 20 faizi işğal olunan bir ölkədə xidməti vəzifəsini yerinə yetirərkən hərbi travma almış, ömürlük şikəst olmuş, sağlamlığını itirmiş, 11 il hərbi əlil kimi pensiya almış oğlumun başına vəzifə səlahiyyətlərindən sui-istifadə edərək nə oyun açmışlar.
    Əlbəttə ki, onlar bu işi tək etməmişlər. Sabiq nazir Eldar Mahmudovla əlbir olmuşlar. E.Mahmudov qəzetlərdə çap olunan məqalələrimi çoxdan oxumuşdur və formal olaraq mənim təhlükəsizliyimi təmin etmişdir. Özü isə arxamca işlər çevirmişdir. Belə olmasa idi, Azərbaycan Respublikası Milli Təhlükəsizlik Nazirliyinin Mətbuat xidmətinin sabiq rəisi Araz Qurbanov mənim əleyhimə qəzetdə məqalə yazmazdı. V.Ələsgərovla cinayətkar birlik yaradan digər vətəndaşlar da var ki, onların adını çəkmək haliyədə çox çətindir. Yuxarıdakı səbəblər nəzərə alınıb oğlumun əlilliyi dayandırıldığı tarixdən bərpa olunmalıdır və oğlum müharibə əlilləri üçün şamil olunan güzəşt və imtiyazlardan istifadə etməlidir.
    4. V. Ələsgərov məni tutub saxladıqdan sonra əmək müfəttişliyində işləyən oğlum Təbriz Əliyevi məcbur etmişlər ki, işdən çıxmaq üçün ərizə versin və bunun müqabilində məni həbsdən buraxsınlar. Oğlumu isə buraxmamışlar və zorla işdən çıxmaq üçün ərizəsini almışlar və dərhal işdən çıxarmışlar. Lakin işə bərpa olunması üçün bu günə qədər işdən çıxma əmrini özünə verməmişlər və son hesabını kəşməmişlər. Işdən çıxarıldığına görə öz işinə qaytarılmalıdır. Işdən çıxarıldığı tarixdən əmək haqqı ödənilməli və bu işin səbəbkarları V. Ələsgərov başda olmaqla məsuliyyətə cəlb edilməlidir.
    5. V. Ələsgərovun tapşırığı ilə mənim müharibə veteranı vəsiqəm əlimdən alınıb. Hansı ki, 1990-1992-ci ildə erməni hərbi birləşmələrinə qarşı gedən döyüşlərin aktiv iştirakçısı olmuşam və özüməməxsus olan VAZ markalı maşınımı döyüşlərdə iştirak etmək üçün polisə təhvil vermişəm və hərbi biletimdə Gərməçataq, Şada, Buzqov döyüşlərində iştirakım qeyd olunub. V.Ələsgərov müharibə veteranı vəsiqəmi əlimdən aldırdıqdan sonra mən məcbur qalıb Azərbaycan Hərbi Komissarlığına müraciət etmişəm. Azərbaycan Hərbi Komissarının müavini General Tofiq Salmanov məsələni araşdırmış, Naxçıvan MR Hərbi Komissarlığından adlı siyahı almış, mənim Azərbaycan Respublikasının ərazi bütövlüyünü qoruyarkən xəstələndiyimi, əvvəlcə Bakı şəhərinə, oradan da Moskvaya göndərildiyimi, 1 nömrəli Moskva şəhər xəstəxanasında müyinə olunduğumu, xroniki piolinyrit və böyrək çatışmazlığı xəstəliyi ilə buradan forma-88 aldığımı, II qrup əlil olmağımı, 26 ildir ki, əlil kimi pensiya almağımı nəzərə almadan V.Ələsgərov tapşırığı ilə 2007-ci ildə əlilliyim ləğv edilmiş, 4 il pensiya almamışam və 4 ildən sonra Yasamal rayon məhkəməsinin tapşırığı ilə əlilliyim bərpa olunmuşdur. Haliyədə xəstəliklərim var. V. Ələsgərov məni şəkər xəstəsi edib. Şəkərin təsirindən sağ gözüm tamamilə tutulmuş, sol gözüm funksiyasını itirmiş, sol ayaq barmağım kəsilmiş, sol böyrəyim atkaz etmiş və funksiyasını itirmiş, ayaqlarım deformasiyaya uğramış, şəkərin təsirindən infarkt keçirmişəm və sağlamlığımı tamamilə itirmişəm. Bir sözlə, V.Ələsgərov mənim həyatımı məhv edib. Buna görə cavab verməlidir.
    6. V.Ələsgər vəzifə səlahiyyətlərindən sui-istifadə edərək və səlahiyyət həddini aşaraq prokurorun sanksiyası və hakimin hökmü olmadan özbaşına məni 7 sutka həbs etmiş və prokurorun sanksiyası olmadan evimdə axtarış aparmış, oğlumun diplomunu, digər oğlumun sürücülük vəsiqəsini və digər sənədlərini götürmüşdür. Oğlumun 40 yaşı keçdikdən sonra diplomunu geri qaytarmış digər oğlum isə yenidən sürücülük vəsiqəsi almışdır. Digər oğlum 40 yaşı tamam olduğundan gömrük idarəsində yaş məhdudiyyəti olduğundan işə götürməmişlər, yəni oğlumun 4 illik institut fəaliyyəti hədərə getmişdir”.

    RUBLİKA.AZ


    Facebook-da paylaş