Üç rəngli bayrağımız Qarabağ səmalarında dalğalanana qədər bu döyüş davam edəcək

Azərbaycan azğın düşmənə qarşı Vətən müharibəsini uğurla davam etdirir. Qarşımızda qanımıza susayan və arxasında dünyanın demokratiyadan dən vuran dövlətlərinin dayanaraq it kimi üstümüzə qısqırtdığı yağı düşmən,arxamızda haqq,ədalət və bir neçə qardaş ölkənin dəstəyi var. Bu gün Azərbaycan dünyada qlobal güclərin planlarına qarşı dayanan, öz haqq səsini duyurmağa çalışan bir mübarizə simvoludur. Hər tərəfdən düşmən əhatəsində qalaraq qarış-qarış öz dədə-baba torpaqlarımızı azad edirik. Mübariz Azərbaycan əsgəri Ali Baş Komandanın əmri ilə cəbhədə əsl qəhrəmanlıq dastanı yazmaqdadır. Düşmənin keçilməz elan etdiyi müdafiə səddi bir həmlə ilə yarıldı. “Məğlubedilməz erməni ordusu” it kimi quyruğunu qısaraq qaçmadadır.

Müharibə Azərbaycan xalqının işğal faktı ilə heç bir zaman barışmayacağını bir daha sübut etdi. Cəmiyyətdə heç zaman olmayan milli birlik, həmrəylik hökm sürür. Hamı öz dövlətinə,ordusuna, Ali Baş Komandanına güvənir. İnamla irəliləyən Azərbaycan əsgəri qollarında xalqın gücünü hiss edir.

Azğın düşmən məğlub olduqca quduzlaşır. Cəbhə xəttindən uzaq dinc yaşayış məntəqələri aramsız raket saldırılarına məruz qalır. Paşinyanın “daban yalayaraq” nail olduğu humanitar atəşkəsin elə ilk gecəsindəcə Gəncə, Tərtər, Mingəçevir və digər şəhərlər aramsız atəşə tutulub,ölənlər və yaralananlıar var. Biz düşmənimizn nə qədər şərəfsiz, alçaq olduğunu bilirik. Amma, onun yerinə yengəlik edənlərin hələ də susmaması, ermənilərə havadarlıq etməsi fahişə xislətli ermənini daha da aqressiv edir. Dünya birliyi ərazimiz olaraq tanıdığı torpaqlarımızın 30 ildir ki, işğalına susqunluq göstərdiyi halda Azərbaycanın haqlı savaşına qarşı dərhal hərəkətə keçir. Hər yerdən təzyiqlər, təhdidlər ara vermir. Budurmu dünyanın demokratiyası,insan hüquqları? Budurmu dünya düzəni, tolerantlıq?

Azərbaycan hərbi və siyasi müstəvidə müharibə aparır. Hər iki cəbhədə bu gün qəhrəmanlıq səlnaməsi yazılır. Hərbi cəbhədə igid əsgərimiz düşmənin iradəsini məhv edib. Ard-arda aldığı məğlubiyyətlərdən sarsılan ermənilər qapı-qapı sürünərək imdad dilənirlər. Dəqiq hərbi strategiya, güclü ordu, müasir arsenal Ermənistanı məğlub duruma salıb. Döyüş meydanında leşləri iylənən düşmənə tanınan humanitar atəşkəs haqqı belə onları xilas etmir. Quduz düşmən ölkəmizdə panika,qorxu yaratmaq üçün son çabalarını sərf edir. Böyük şəhərlərimizin raket atəşinə məruz qalması onların xalqımızın polad iradəsini qırmağa hesablanmış köhnə strategiyasıdır. Amma bu dəfə alınmır, əksinə hər düşmən hücumu xalqımızı daha sıx birləşdirir.

Siyasi müstəvidə davam edən savaşda cənab Prezidentin verdiyi mücadilə Azərbaycan əsgərinin qəhrəmanlığı ilə paralel aparılır. Bu iki savaş bir-birini tamamlayır, qələbələrimizə stimul verir. Sirr deyil ki, dövlətimizə bu anlarda heç zaman olmayan qədər təzyiqlər və təhdidlər var. Ali Baş Komandan erməni yanlılarla topsuz,tüfəngsiz döyüşür, ölkəmizə olan həmlələri dəf edir. Azərbaycan xalqı öz Ali Baş Komandanının və ordusunun ətrafında hər gün bir az da sıx birləşir. Amansız düşmən sanmasın ki,iradəmizi sındırmağı bacaracaq. Bu bizim son və qəti savaşımızdır. Üç rəngli bayrağımız Qarabağ səmalarında dalğalanana qədər bu döyüş davam edəcək.

Hamımız əmrinə hazırıq,cənab Ali Baş Komandan! Ruhdan düşməmişik,düşmərik! Qorxmamışıq,qorxmarıq! Ölməmişik, ölmərik!

“VUR” əmrini verən qolun bükülməsin, düyünlənən yumruğun boşalmasın! Biz qalib gələcəyik! Qarabağ Azərbaycandır və !!!

Nicat Mahmudov
Rubrika.Az

Facebook-da paylaş