Milli Məclisin növbəti plenar iclası öz işinə başlayıb. Spiker Sahibə Qafarova iclası açaraq bildirdi ki, gündəlikdə 13 məsələ var. Gündəliyin təsdiq olunmasından sonra S.Qafarova dedi ki, noyabrın 10-da Azərbaycan Prezidenti, Rusiya Prezidenti və Ermənistanın baş nazirinin imzaladığı bəyanatın yerinə yetirilməsi prosesi gedir.

“Bu gün bəyanata uyğun olaraq Azərbaycan ordusunun bölmələri Ağdam raypnuna daxilolub. Mən bu münasibətlə hər birinizi ürəkdən təbrik edirəm”, spiker bildirdi. Deputatlar bu təbrikə sürəkli alqışlarla qarşılıq verdilər.

Sədr dedi ki, 10 noyabr bəyanatı bir çox ölkələr və təşkilatlar tərəfindən dəstəklənib və alqışlanıb. Amma bəzi dövlətlər bu bəyanata qarşı mövqeifadə edirlər. Spiker bu sırada Fransa dövlət rəsmilərinin də olduğunu söylədi. S.Qafarova bildirdi ki, Fransa senatında təmsil olunan 5 partiya liderləri Azərbaycan ərazilərində qeyri-qanuni yaradılmış qondarma qurumun tanınması barədə qətnamə layihəsi təqdim ediblər. “Bu da təsdiq edir ki, Fransa rəhbərliyi Minsk Qrupunun vasitəçilik missiyasına zidd mövqe ortaya qoyaraq, Azərbaycanın ərazi bütövlüyü və suverenliyinə qarşı çıxır”, sədr əlavə etdi.

S.Qafarova qeyd etdi ki, bu, Fransanın vasitəçilik mandatına kölgə salır. Bildirdi ki, vasitəçilər qərəzsiz, obyektiv olmalıdır. Sədr dedi ki, dostluq qrupu bu məsələyə həssas yanaşmalıdır. Həmçinin komitə sədri, Azərbaycanın Avropa Şurası Parlament Assambleyasındakı nümayəndə heyətinin rəhbəri Səməd Seyidovu da Fransanın ədalətsiz mövqeyinə diqqətlə yanaşmağa çağırdı.

Rubrika.az

Facebook-da paylaş