“Neftçi” klubu UEFA Avropa Liqasının II təsnifat mərhələsində Türkiyənin “Qalatasaray” komandası ilə qarşılaşır.

Görüş Bakı Olimpiya Stadionunda keçirilir.

"Neftçi"nin start heyətində Aqil Məmmədov, Ömər Buludov, Mamadu Mbodj, Voislav Stankoviç, Anton Krivotsyuk, Emin Mahmudov, Mamadu Kane, Saman Nərimancahan, Namik Ələskərov, Yusuf Laval və Prins İbara yer alıblar.

“Qalatasaray”ın ilk on birliyində meydana Fatih Öztürk, Martin Linnes, Markao, Kristian Luyindama, Marselo Saraççi, Taylan Antalyalı, Emre Kılınc, Rayan Babel, Yunes Belhanda, Ömer Bayram və Mbaye Diaqne çıxıblar.

Görüşü Şotlandiyadan olan hakimlər briqadası idarə edir.

Matçın 19-cu dəqiqəsində "Qalatasaray" hesabı açıb. Mbaye Diaqne dəqiq zərbə ilə fərqlənib.

İlk hissədə əlavə qol vurulmayıb. Komandalar fasiləyə yollanıblar.

46-cı dəqiqədə "Neftçi" hesabı bərabərləşdirib. Cəmi bir dəqiqə sonra Türkiyə təmsilçisi yenidən üstünlüyü ələ alıb.

İstanbul klubu 63-cü dəqiqədə hesab arasında fərqi artırıb - 1:3.

Rubrika.Az

Facebook-da paylaş